အရှင်မဟာရဋ္ဌသာရ၏ သာသနာနှင့်ချစ်သူ

အရှင်မဟာရဋ္ဌသာရ၏ သာသနာနှင့်ချစ်သူ
============ ============ အရှင်မဟာရဋ္ဌသာရသည် ငယ်ကျွမ်းဆွေဝဏ္ဏပဘာ လှကလျာ နှင့် မေတ္တာမျှစဉ် အခါက အချစ်နတ် ဖမ်းစားခြင်းခံရသော ငယ်ရွယ်သူ တို့ ဓမ္မတာအလျောက် ဆရာမိဘ တို့ ဆိုဆုံးမသည့်စကားကို မနာယူ ခဲ့ပေ။အိမ်ရှင်အစစ်ဖြစ်စေအံ့ဟု မှန်းထားသူ သူ၏ငယ်ကျွမ်းဆွေ ကလေးနှင့် နှစ်ကိုယှဉ်တွဲ ချစ်ပွဲ ဝင်ရမည့်အရေးကိုသာ ရှေ့ ရှုခဲ့၏။ ဝေးလံလှစွာသောခရီး တောကြီး မျက်မဲကို ဖြတ်ကျော်လျက် သန်းခေါင်သန်းလွဲအချိန်ဟူ၍ အမှတ်မထား စွန့်စွန့်စားစားသွား ရောက်ကာ ချစ်သူနှင့် တွေ့ဆုံခဲ့လေ သည်။ ရဟန်းဘောင်သို့ဝင်ရောက်ပြီး သည့် နောက်၌လည်း ငယ်ကျွမ်း ဆွေ အတွက် ချီတုံချတုံ အာရုံထွေ ပြားလျက် ""အချစ် နှင့် သာသနာ"" နှစ်ဖြာကြားတွင် ဗျာများခဲ့ရသည်။ နောက်ဆုံးတွင် အရှင်မဟာရဋ္ဌသာရသည် သာသနာ့အာဇာနည်ပုဂ္ဂိုလ်ထူးပီပီ အပ်ဖျားဆံချည်ဖျားမျှ အာရုံမမှားရ အောင်ကြိုးစားပြီး စိတ်ကိုထိန်းသိမ်းတော်မူပြီးလျှင် "ကြေး နှင့်ရွှေ"ဂဟေမစပ်သကဲ့သို့ သာသနာ့ဝန်ထမ်း ရဟန်းမြတ် ဘဝနှင့် မာတုဂါမတိုကား အပ်စပ်ခြင်းမရှိ ပြီတကားဟု တရာသံဝေဂယူလျက် သံယောဇဉ် အနှောင့်အဖွဲ့မှ ရုန်းထွက်တော်မူခဲ့ လေသည်။ ထိုအကြောင်းကို အရှင်မဟာရဋ္ဌ သာရ သည် မယ်ဘွဲ့ ရတုတွင် "ပုရေနိသင် ဆက်တိုင်းကြင်၍ အိမ်ရှင်အစစ် ငယ်ကျွမ်းချစ်နှင့် ထပ်ရစ်လက်သင် ထုံးစတွင်၌ သွေးငင်ကြမ္မာ ဝါသနာကြောင့် ဆရာမိဘ ကွပ်ဆုံးမလည်း ချစ်စထုံးနှောင် ပျော်ရအောင်ဟု သန်းကောင်မဟူ အတူယှဉ်တွဲ သန်းလွဲမခန့် အသက်စွန့်၍ ဝေးဓွန့်ခရီး ချုံကြီးတောစုံ ဝါးရုံဝါးစေး သစ်ကျားဘေးကို မတွေးဆံဖျား မလေးစားတည့် တရားသံဝေ အောင့်မေ့ချေသော် ကြေးရွှေဂဟေ မစပ်ချေသို့ စာပေတတ်ပွန် ဓမ္မခန်နှင့် ကျန်းဂန်သိမြောက် ပဉ္ဇင်းရောက်က ထပ်လှောက်ကြင်ဘွယ် ရှေးသောနှယ်ကို အဘယ်ကြိုးရှာပေတော့မည်။ (အဘယ်ကြိုးစားရှာအံ့တော့နည်းဟုဆိုလို) လောကီအာရုံ ကာမဂုဏ်ကို ခုံမင်နှစ်သက်သည့် အရွယ်ပင်ဖြစ် လင့်ကစား အချစ်၏ ကျော့ကွင်းမှ လွတ်ကင်းအောင်ရှောင်ခွါလျက် သာသနာ့ရိပ်မြုံတွင် ချမ်းမြေစွာခိုလှုံ ခဲ့သော အရှင်မဟာရဋ္ဌသာရ၏ စိတ်ဓာတ်ကား အံ့ချီးဖွယ် ကောင်း လှပါပေ၏။ (စတုဓမ္မသာရကိုးခန်းပျို့ မှ)၂